امتحان البسيخومتري

البسيخومتري ..رجاءا اقراؤا الصفحات المرفقة بالصور جيدا..

البسيخومتري موضح كل تفاصيله بالصفحات المرفقه..

قبل ان تتمعنوا بالصفحات اريد ان اتطرق لهذا الموضوع بشكل دقيق.
البسيخومتري هو امتحان قبول ..يقوم بتحديد نسبة قدرات الطالب في وقت ضيق وضغط نفسي معين..
هذا الامتحان هو عبارة عن امتحان قبول موجود في كل الجامعات والكليات المرموقة في العالم..
لا يمكن ان يتم قبول اي شخص لأي مهنة اوتخصص دون تحديد قدراته..
ولكن هذا الامتحان اصبح لعبة بين ايادي الكثيرين..
بمعنى ان هذا البعبع مفروض على كل من يريد الالتحاق بتخصصات يحبها ..
واصبح عائق وحتى مدمر للاحلام..

واصبحت المعاهد والمراكز تجد ان ابناؤنا وطلابنا هم الهدف لفتح مراكز ومعاهد ولتدريب الطلاب على ايجاد طرق وسبل اسرع للتعامل مع الامتحان ..والاحلى من هيك اصبحنا البنك المركزي للمركز القطري ..كل امتحان 400 _500شيكل ويلا عيد وزيد ..وعيد وزيد ..كله مستفيد..كله بشتغل على ضهورنا وضهور اولادنا..
مع الاحترام للكثير من المعاهد وجدت ان الحل الامثل تدريب الطلاب على هذا الامتحان..
طيب تعالو نفكر ..ليش ولا مدرسة بتبلش اتدرب طلابها على هيك نوع من الامتحانات من الصف السابع..ولو عشر دقائق يوميا..
تانيا ليش الاهل ما بجيبوا كتب لاولادهم وبعرفوهم على هالبعبع عن قرب..
تالتا ليش واضح انه هذا الامتحان لازم يضل بعبع عشان نختار مهن وتخصصات ما بنحبها..وعشان فعلا يمكن هالتخصصات مش الكل بقدر عليها..
مش هون السؤال..السؤال ليش طلابنا مفكرين هالامتحان اشي كتير؟؟ليش عاملينه مفتاح الحياة؟؟
خلينا اذكياء..كل المؤسسات التعليمية بدها اولادنا وبحاجة لطلابنا..طيب ليه ما بتتنازل وبتلاقي بدائل للفحص قدرات الطالب..الاشي ممنهج ومقصود..
كيف نقدر نتغلب على هالامتحان ..
هل الدورات بتساعد؟
هل الامتحان تعجيزي؟؟
هل فعلا بحدد قدراتنا؟؟
انا شخصيا عملته مرتين..وصدقا بدون دورات..اتدربت لحالي..سجلت بدورة وما احضرت ربعها..اخدت كتب وبلشت اتمرن..
يا جماعة البسيخومتري امتحان متل اي امتحان والتمرين يؤدي الى الكمال وبكفي انضل ندفع وندفع وندفع..
لازم نحدد هدفنا ونبلش اندرب اولادنا من صف الرابع حتى على هيك نظام..الاهل يشتروا كتب ويدربوا اولادهم..حتى لو الي عمل الامتحان بدو يكون ذكي خارق..الاسئلة رح تتكرر..والي بحل السؤال بدقيقة مع التمرين المستمر بصير يحله بعشرين ثانية..
العربي منطق..دربوهم على الحل المنطقي والتفكير المنطقي..
ليش الاهل ما يطلبوا من مدراء المدارس تدخيل هالامور واعتبارها جزء من البرنامج التعليمي..لان مقصود نضل تايهين والجيبة مخزوءة..
مش مشكلة زي ما حكيت اتمرنوا كل يوم ست لسبع ساعات لمدة ثلاثة اشهر وادعولي..وكمان الدورات ممكن تفيد في ايجاد طرق تفكير معينة لحل الاسىلة وبردو بدون دورات بتقدر ا تدربوا لحالكم..
العربي تمرين لا محالة
قسم الرياضيات بعتمد على معلوماتكم من صف السابع حتى 12
الانجليزي بعتمد على التمرين والفهم..
بالنسبة للغة الانجليزية كتير طلاب عندهم ضعف والحل بكون بحديث في وقت لاحق..
دربوا اولادكم قبل بوقت.
وفرولهم امثلة وكتب من جيل صغير
دخلوا الموضوع للمدارس ..وكمان وقفوا تكونوا فريسة سهلة بسبب القلق والخوف من مجرد امتحان سره التمرين المستمر..
اقراؤا الاوراق منيح ..واتمنى انكم استفدتوا ..

دمتم بخير